Poesie varie (Gioann Rizzonich)
Poesie varie l'è on librett scrivuu del poeta lombard Gioann Rizzonich.
L'è staa publicaa in del 1854 a Milan (ed. Vallardi), e el gh'ha dent quasi tucc i componiment lombard e italian del scior Rizzonich, che l'era ona figura importanta de l'industria de la seda a Comm.
El librett, come che se spiega in vun di sonett de introduzzion, l'era staa pensaa comè on'oeuvera de beneficenza per i orfen in di colegg de Milan, e per 'sta reson,
|
«Mi parli ciar - en regali nanch vun! -
perchè el sarav on robà sull'altar; e anca per no fa intort en doo a nissun.» |
(G. Rizzonich, A tutt i mee amis)
|
I part de l'oeuvera
[Modifega | modifica 'l sorgent]- Favolette esopiane e apologhi in dialetto: in 'sta part, che l'è 'l coeur de la produzzion in lombard del Rizzonich, a troeuvom i traduzzion in vers di favolett de l'Esop (scominciaa in del 1838, dopo d'avè lengiuu la traduzzion de l'Avarizzia de Orazzi in lombard per man del Gioann Rajbert), e olter componiment pu o manch de ocasion.