Peder

De Wikipedia
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.

Peder l'è on nomm de persona lombard maschil.

Variant[Mudifega | mudìfica 'l sorgènt]

In del nord de la Lombardia (olta Brianza, Comasch, Valtolina) e in del Canton Tesin a gh'è anca la variant Pedro ['pe:dru].
In de la Bergamasca e in del Bressan a gh'è anca la version Piero, de origin venezziana (e, a la lontana, francesa).

In di olter lengov[Mudifega | mudìfica 'l sorgènt]

Variant alteraa[Mudifega | mudìfica 'l sorgènt]

In lombard el nomm el pò vess alteraa, per esempi, in Pedrin, Pedroeu, Pedrolla.

Origin e spantegament[Mudifega | mudìfica 'l sorgènt]

El riva del gregh Pétros, che l'è negott d'olter che la traduzzion letteral de l'aramaich Kepha, o Cephas, in Gregh Κηφας, (che 'l voeur dì "preja"). Quell chì a l'è 'l nomm che, a legg l' Evangel, el gh'è staa daa a l'apostol Simon proppi del Signor: Ti te se ciamareet Κηφας, perchè mi in su chella Κηφας chi a faroo su la mia Gesa. Parolla del Signor.
El Simon, deventaa poeu San Peder, l'è staa el primm papa: donca, la soa version latina, Petrus, la s'è spantegada in tutt la Cristianità.

Cognomm[Mudifega | mudìfica 'l sorgènt]

  • In area lombarda (e in general del Nord de l'Italia) el nomm Peder l'ha faa nass cognomm 'me Pedrett, Pedrin, Pedrolett, Pedrolin, Pedron e Pedrott.
  • In ingles a gh'emm i cognomm vegg Pearce, Pearson e quei pussee moderni 'me Peterson.
  • In spagnoeu a gh'emm Pérez.