Pass de Sant Iori

De Wikipedia
Va a: navegá, truvá
Lumbard ucidental Quest articol chì l'è scritt in milanes, ortografia classega.
El pass. A se ved el gesioeu de Sant Iori e vun di trii refusg che se troeuven intorna al pass

Quell de Sant Iori (Passo San Iorio) l'è on pass de montagna in tra l'Italia e la Svizzera che l'è alt 2.010 meter. El separa i Prealp Luganes di Alp Lepontinn.
El pass el ghe liga insemma la Val Morobbia in del Canton Tesin (comun de Sant Antoni) coi vai Sant Iori e Alban in Lombardia. De la banda italiana, se ghe pò squasi rivà in vettura, intant che de l'altra banda gh'è domà di sentee.

La ciappa el nomm de on tal Sant Iori che se sa nò se l'è mai vivuu de vera, ma che in quii vai lì se credeva che 'l ghe viveva de bon. El Sant Iori el sariss staa on eremita che l'era rivaa fina a lì, l'aveva faa sù on gesioeu e l'aveva passaa la vita a fà del ben.
L'è staa on pass important giamò a partì del Medioev.