Pól Saoldèl

Chèst artìcol a l'è scricc in Lombàrd, ortograféa bergamasca del Dücàt.

Ol Falch Saoldèl al Tour de France (2007)

Ol Paolo Saoldèl l’è stacc ü ciclista profesiunista bergamàsch, l‘è de fati de Ruèta, paìs de l’ ólta Al Seriana.

L’è nasit ol 7 de mas del 1973 e l’à tacàt a cór come alievo per la Ciclistica Nembrese e po’ l’à curìt per la San Marco de Erfa. L’è dientàt prufesiuunista in del 1996, l ‘à curìt fina al 2007 e l’à enzìt dù Gir d‘Italia in del 2002 e ‘n del 2005.

L’è suernominàt ol Falch de Ruèta, dezà che l’è stacc ü gran discesista, ü brao de ‘ndà zó fórt, a ciót, in di discese isé de lasà 'ndré e stacà i óter coridùr che i éra mia bù de tègnega dré.

L’è stacc ach ü gregare del Lance Armstrong.

I sò vitòrie

1998 Ol Gir del Trentì e öna tapa del Gir del Trentì
1999 Ol Gir del Trentì, öna tapa del Gir del Trentì, öna tapa del Gir d’Italia (Borgo San Dalmazio) e ‘l Trofeo Laigueglia
2000 Ol Gir de Romandia, ol Prologo del Gir de Romandia e öna tapa del Gir del Trentì
2001 Dò tape del Gir de Romandia
2002 Prim al Gir d’Italia
2005 Prim al Gir d’Italia, öna tapa del Gir d’Italia (Zoldo Alto) e öna tapa del Tour de France (Revel)
2006 Ol Prologo del Gir d’Italia e ‘l prologo del Gir de Romandia
2007 Ol prologo del Gir de Romandia e öna tapa del Gir d'Italia (Veruna)

La Cansù Falco Saoldèl

Ol Bepi l’ gh’à dedicàt öna cansù ‘ntitulada Falco Saoldèl, che ‘l Saoldèl l’à cantàt e registratàt ‘nsèma al Bepi.

Ol sito del Fans Club

http://nuke.paolosavoldellifansclub.it/ Arqiviad qé: [1]