Oxalidaceae
|
|
Chest artícol a l'è scricc in Lumbàrt, ortograféa orientàl unificàda. |
| Oxalidaceae | ||||||||||
|---|---|---|---|---|---|---|---|---|---|---|
 Oxalis regnellii
| ||||||||||
| Classifigazion sientífiga | ||||||||||
|
Oxalidaceae (R.Br. 1818) l'è 'l nòm de 'na famìa de piànte angiospèrme. La töl dét piànte erbàcee rizomatùze o tuberùze, boscài e àlber pesègn, difundìcc endèle regiù temperàde e tropicài. 'N Itàlia, le spéci de chèsta famìa che crès endèla flòra spontònea le fà part del zèner Oxalis.
A stà al sistéma de clasificasiù de Cronquist, la famìa de le Oxalidaceae la fà part de l'ùrden de le Geraniales, Segónt la la clasificasiù APG 'nvéce la fà part de l'ùrden de le Oxalidales.
Descrisiù
[Modifega | modifica 'l sorgent]I fiùr, sùi o 'n enfiurescènse, i è ermafrudìcc, atinomòrf e pentàmer. L'ovàre l'è sùpero e l'è furmàt de 5 carpèi. El fröt el pöl véser 'na càpsula o 'na bàca. Le fòie i è compòste, altèrne, dotàde de gambì, perlopiö erbàcee, en quach spéci pò a carnùze a fotosìntezi CAM (p.ez. Oxalis megalorrhiza).
Zèner
[Modifega | modifica 'l sorgent]De la famìa de le Oxalidaceae farès part chèsti zèner:
- Averrhoa (quach stüdiùs i mèt chèsto zèner endèna famìa separàda, le Averrhoaceae)
- Biophytum
- Dapania (quach stüdiùs i mèt chèsto zèner endèna famìa separàda, le Averrhoaceae)
- Eichleria
- Hypseocharis
- Oxalis
- Sarcotheca (quach stüdiùs i mèt chèsto zèner endèna famìa separàda, le Averrhoaceae)
- Xanthoxalis
La famìa l'è sóta reviziù e a segónt del sistéma de clasificasiù e de l'avansamènt dei stüdé càpeta che i ghe tàche dét o che i ghe tìre vià quach zèner.
Sinònim
[Modifega | modifica 'l sorgent]- Averrhoaceae Hutch. (Gen.-Lug. 1959).
- Dirachmaceae Hutch. (Gen.-Lug. 1959).
- Hypseocharitaceae Wedd. (Nov. 1861).
- Lepidobotryaceae J. Léonard (Giu. 1950).