Ospedaa Delmati
L'Ospedaa Delmati a l'è 'n ospedaa de Sant Angiol e part de l'ASST de Lod.
Storia[Modifega | modifica 'l sorgent]
A Sant Angiol el gh'era giamò 'n ospedaa del 1530, dedicaa a la Madonna e a la Santa Marta, arent a 'na veggia Gesa incoeu sbattuda giò. In del 1831, in su 'n terren donaa del religios cremones Don Siro Delmati, a l'è faa su el primm ospedaa Delmati, che l'ha fonzionaa finna al 1974.
In di agn '50 a scomincen di progett de reforma de l'ospedaa, voramai vegg e a ris'c de sarà su, che però hinn no completaa degià ch'avarien sbattuu giò di edifizzi istoregh. A la fin in del 1968 l'architett local Ferruccio Rozza el fà 'n progett in su 'n terren donaa a la paròquia 'n quaj ann prima, cont on cost total de 2 miliard e 400 milion de Lire.
In del 1970 a l'è missa la prima preja per fà su el noeuv ospedaa che l'è fornii el 2 de giugn del 1974.