Orthohantavirus
|
Quest articol chì l'è scrivud in lombard, con la Noeuva Ortografia Lombarda |
I Orthohantavirus inn di virus a RNA de la familia Hantaviridae e de l'orden Bunyavirales e che se trasmeten a l'om per zoonosi, de solit di rat. El nom el deriva del fium Hantan in Corea del Sud, indova che l'è stad descovert el prim, olter che specie tipo, Hantaan orthohantavirus. In precedenza l'era cognossud, in general, 'me virus de la fever emoragega coreana.
Al dì d'incoeu a l'è retegnud possibel ciapàss un orthohantavirus squasi domà cont el contat cont fluid di bestie malad, ma l'è cognossud almen un cas de trasmission in tra i omen. In l'uman i hantavirus poden provocà di malatie mortai compagn de la polmonita, pussee spantegada in America, de la fever emoragega con sintom ai rognon, pusssee spantegada in l'Estrem Orient, e de nefropatia epidemega, pussee spantegada in Europa.
Bibliografia[Modifega | modifica 'l sorgent]
- Giampiero Carosi e Sergio Pauluzzi, Malattie Infettive, PICCIN, 2007, pp. 644–, ISBN 978-88-299-1844-7.
Alter proget[Modifega | modifica 'l sorgent]
Wikimedia Commons el gh'ha dent imagin o alter archivi su Orthohantavirus
Wikispecies el gh'ha dent informazzion su Orthohantavirus
