Urobi

De Wikipedia
(Rimandaa da Orobi)
Jump to navigation Jump to search
Lombard Occidental Quela vus chì a l'è scrivüda in laghee, urtugrafia muderna.



I Urobi, in latin Orumobii o Orumbovii che adóma in del medioéf l'è dientàt Orobi, a i eren una pupulazion che in dela preistoria i staven in dela bergamasca e in dell cumasch.

Plini Vecc el riporta i paroll de Caton Censur ch'el diseva che i eren staa lur a fundà Comm, Bergum, Licini Forum e Parre[1]:

Wikiquote-logo.svg
«Caton atesta che Comm e Bergum e Licini Forum e oltri pupulazion inturnu i vegnen dela scepada di Orumbovii, però el sà migna l'urigin de quela pupulazion chì, che Curneli Alessandro el pensa che la sia vegnüda dela Grecia, anca per l'interpretazion del nomm, cioè pupulazion che stà sui muntagn

.

I storich classich, insema a Plini Vecc, i interpreten l'etimulugia del nomm dal grecch "Ορων βιον" e i pensen che i sien uriginari dela Grecia [2]. Però l'interpretazion muderna a l'è diferenta. Una analisi püsee aprufundida, la rimanda a una urugin prubabilment Ligür: or a l'è una parola preindoeuropea che la voo dì acqua e bo a l'è una parola indoeuropea che la voo dì abitazion. Cunsiderandu che el nomm Orumbovii i Romani a l'hann imparaa di Gai, se pudaress interpretall cumè cüü che stann sü l'acqua [3].

In Lumbardia in dell primm mileni a. C. la s'è svilüpada quela che in archeulugia la se ciama la cultüra de Gulaseca. I "Gulasechian" i staven sü una teritori de 20.000 km²,dai Alp fina al Po, dala Valsesia al Sère.
La cultüra de Gulaseca la s'è dunca svilüpada in de 'n ambient pitost diferent, sia cumè teritori che cumè datazion: la incumencia in dell XIII secul a. C. cun la cultüra de Canegraa e la finiss cun i invasion di Gai.
I Urobi dunca, insema a oltri pupulazion che i staven su quell teritori chì, cuma i Leponzi, i Moesiates, i Insubres e i Laevi Ligures a i henn cunsideraa di archeologi e di glutologi una pupulazion de Ligür celtizaa o Celto-Ligür nasüü dopu la penetrazion de gent che i vegneven dela region tudesca dell Renu e dell Danübi[4], a i henn rüaa in Italia nord-ucidental in etaa püsee antiga di invasion celtich del IV secul a. C.[5] e i s'henn stanziaa tra l'Òi e 'l Tisin.


Nutazion[<small>Mudifega</small> | mudìfica 'l sorgènt]

  1. Gaius Plinius Secundus, Naturalis Historia, III, 124-125.
  2. Tra tücc: C. Cantù, Storia di Como e sua provincia, Comm 1859
  3. P. Pensa, Noi gente del Lario, Cairoli editore, Comm 1981.
  4. M. Gianoncelli, Vecchie e nuove ipotesi sulla stirpe degli Orobi, in Oblatio, A. Noseda ed, Comm 1971.
  5. R. de Marinis, La civiltà di Golasecca, in La Lombardia, Jaka book, 1985.