Onion routing

De Wikipedia
Salta a la navigazzion Và a cercà
Lombard Quest articol chì l'è scrivud in lombard, con la Noeuva Ortografia Lombarda
Esempi de fonzionament

L'Onion routing (routing scigolla) a l'è una tecnega che la permet de havégh di comunicazzion anonime in su 'na red de computer. In 'sto sistema, un messagg a l'è passad per un cert numer de noeud che ghe meten o ghe toeuven via un nivell de cifradura, inscì de garantì che ogni messagg el sibia no vist de ogni noeud de la red che ghe passa, ma domà del destinatari, vist che ogni intermediari el cognoss domà l'adressa e l'identità del noeud de prima e quell dopo.

Per quant che 'l gh'habia un bon nivell de anonimad, l'è minga segur del tut: a l'è possibel doperà di analisi del temp e de la quantità di dacc per capì che computer i ha mandad, o l'è anca possibel havégh pussee noeud dent de 'na red senza deciaràll, inscì de podé savé pussee in sui dacc che passen e, se l'è el cas, anca lensgij in ciar.

Di red che 'l doperen a inn TOR, Tribler e Tox. El nom el vegn de la strutura, vist che ogni pachet a l'è quatad de pussee strat de cifradura, compagn de 'na sgigolla.

Riferiment[Modifega | modifica 'l sorgent]

Vos corelade[Modifega | modifica 'l sorgent]