Olivier Panis
|
|
Quel articul chì l'è scrivüü in Lumbard, cun l'urtugrafia insübrica ünificada. |
| Olivier Panis | ||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|
 | ||||||||||||||||||||
| Nazionalitaa |  Franza | |||||||||||||||||||
Automobilism 
| ||||||||||||||||||||
| Categoria | Formula 1 | |||||||||||||||||||
| Cariera | ||||||||||||||||||||
| ||||||||||||||||||||
| Statistege ajornade al Gran Premi del Brasil 2004 | ||||||||||||||||||||
.svg){kind=small}
L'Olivier Panis (Oullins, el 2 de setember del 1966), l'è un ex pilota de Formula 1 frances.
Cariera[Modifega | modifica 'l sorgent]
Panis el cumincia a corr in de la Formula 1 a 27 agn cun la Ligier, che nel 1994 l'è una machina abastanza afidabel, ma mia tant velus. La machina la migliura l'ann che vè, quand Panis el cunquista i prem punti e anca el prem podi in del ültem Gran Premi de la stagion, in Australia. Nel 1996 Panis el se ritira tanti volt, ma in del Gran Premi de Monaco el cunquista una vitoria incredibel, cun dumà quater machin che i rüven al traguardo. Panis el vinc el Gran Premi denanz a David Coulthard e a Johnny Herbert.
In del 1997 el pasa a la Prost, che quel ann lè la fà una machina inscè velus che in di prem ses Gran Premi Panis el va in söl podi dü volt e a punti olter dü. Dopu el Gran Premi de Spagna, Panis l'è terz in del Mundiaa, ma in del Gran Premi del Canada el fà un brött incident e 'l se s'cepa tüss dò i gamb. El rientra in temp per fà i ültem tri Gran Premi, ma a la fen el rüva dumà 9° in del Campiunaa. In di dü ann dopu, la Prost la g'ha minga i stess prestazion del 1997, e Panis el fà dumà dü punti.
In del 2000 el resta a pè, ma l'ann dopu el tröva un cuntratt per dü agn cun la BAR. I ültem dü stagion de la sua cariera i'hee pasa cun la Toyota, ma i risültaa e i punti i'henn pochi. El se ritira a la fen de la stagion del 2004.