Obedienza malevola
|
Quest articol chì l'è scrivud in lombard, con la Noeuva Ortografia Lombarda |
Per obedienza malevola (Malicious compliance in ingles) se intend el fà un dann a 'n quajvun a respetà in manera streccia i so orden, senza flessibilità e a la letera, inscì che i conseguenze inatese de quell che l'è stad ordenad faghen vegnì di problema. Un possibel esempi a l'è un dependent licenziad che ghe vegn ordenad de scassà tucc i dacc che 'l gh'ha de l'azienda che 'l scancella anca di ducument fondamentai per fà andà inanz el so lavorà o di pomper che, ordenad de meter un auto-respirator, l'hann fad, però senza doperàll, roba che i ha fad domà andà pussee pian ma senza dàgh pussee sigurezza.
A l'è considerad un esempi de comportament passiv-agressiv e despess l'è sociad cont una gestion aziendal grama, che l'è minga bona de capì i besogn di lavorent, cont el micromanagement o con di client che fann domande grame o che ingiurien.