Nuzin
|
|
Quel articul chì l'è scrivüü in Lumbard, cun l'urtugrafia insübrica ünificada. |
El nuzin l'è un licur tipigh emilian.
Nezessari
[Modifega | modifica 'l sorgent]- 1 liter de alcol;
- 23 nus amò zerb;
- 2 gram de canela;
- 9 cioo de garoful;
- üna gratadìna de nus muscada;
- la pel d'ün limun minga trataa;
- ses eti de zücher;
- 400 cl de aqua;
Preparaziun
[Modifega | modifica 'l sorgent]I nus amò crüdei a i va cataa la nocc del San Giuan Batista (23-24 de giögn) da la persuna stessa (om o dona) che la farà sö el licur.
I nus a i van resentaa sota l'aqua curent, pö despö s'cepaa in quater tuchei e metüü a maserà in de l'acol in d'ün vas de veder bel grand la nocc medema.
El dé adree ghe se giunten là i spezzi e la pel del limun. El vas el le va sistemaa sura ün scoss a rebatun del Sù e s'gigutaa töcc i dé fina al 3 de agost.
Adess gh'è de fà nà fö el zücher in de l'aqua teveda e lassà surà el scirop prema de giuntàghel là al licur. Met amò el vas al Sù per alter des dé e regurdàss de s'gigutàl semper sö.
Filtrà töt in d'üna buteglia de veder scür e specià almanch fina al 3 de nuember prema de bevel.
Se se gh'ha la pascienza de specià Nadal el sarà amò mej.