Normands
|
Quell articol qì l'è scrivud in Lombard, cond l'ortografia Scriver Lombard. |
.JPG)
.
I Normands, leteralment "Omen del Nord" (normand: Normaunds; frances: Normands) i era un popol qe l'è nassid in Normandia, rejon ind el nord-ovest de la França, fruit de l'union intra i conquistador viqing e i popolazion locai dei franc e dei gall-roman.[1] I colonizador, qe i seguitava a atacar e saqejar i rive del mar del Nord e del Canal de la Manega, i ha ciapad una lejitimazion politega quand qe ol Rollon l'ha jurad fedeltaa a'l Re Carl III de França, in cambe de la nomina a Duca de un grand territore a nord de Paris, qe al deventerà ol Ducad de Normandia. Grands navigador, i s'è spantegads cond i arme ind i isole Britanege (conquista normanda de l'Ingilterra e la colonizazion de Galles, Irlanda e Scozia) e ind el bacin del Mediterrani, indove i ha fondads ol Regn de Sicilia e ol Principad de Antioqia. I ha anca servids come guardia personala de l'Imperador Bizantin (Guardia Varega).
Ol termen l'è doperad anca come sinonem de viqing, anca se qest a l'indicaress ol period plu antig (VII-IX secol) del popol.[2]