Norbert Feher

De Wikipedia
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.

El Norbert Fehrer (Subotica, 21 de ottober 1976) a l'è on criminal serbo de nazionalità ongaresa.

Deventaa famos a nivell mediatich 'me Igor il russo, l'ha avuu 'me alias Ezechiele Norberto Feher e Igor Vaclavic.

Biografia[Modifega | mudìfica 'l sorgènt]

Origin[Modifega | mudìfica 'l sorgènt]

Nassuu in del 1976 a Subotica, città jugoslava de minoranza ongaresa, l'ha dii de avè prestaa servizzi in l'esercit russ in la prima guerra cecena e indova avarien mazzaa la sò fioeula per ripicca. Dopo el sarìa scappaa in Cina indova l'ha imprenduu el cines.

Ricercaa dal 2006 in Serbia per rapina e violenza sessuala a l'è 'ndaa in Italia.

I arrest[Modifega | mudìfica 'l sorgènt]

In del 2007 a l'è menaa via in Italia per ona serie de rapinn in tra Rovigh e Ferrara indova l'ha doperaa di arm bianch 'me di cortell e di arch, che gh'han faa guadagnaa el soranomm de Ninja. Ai autorità el se presenta 'me Igor Vaclavic per evità l'estradizion.

In del 2010 a l'è descarceraa e 'l recomincia i sò attività in del crimin e 'l par che l'abia faa anca el gigolò.

Menaa via anmò, el 4 de dicember 2011 a l'è espuls ma vist che la Russia, Stat de che l'ha deciaraa de 'vègh la cittadinanza l'ha recognossuu no l'è restaa in Italia e l'è restaa in custodia finna al 2015 in tra la preson e 'l CIE.

In preson l'ha semper avuu on comportament esemplar, cont on dur allenament fisich, el jutt a la Gesa, tant de fà el chierichett, e 'l vardà di carton animaa, che 'l sò popà l'aveva vietaa.

El killer de Budrio[Modifega | mudìfica 'l sorgènt]

El 1 de avril 2017 el rapina el bar Gallo de Budrio cont ona doppietta e 'l proprietari, Davide Fabbri de 52 agn, el proeuva a ciappà l'arma ma Fehrer el ciappa ona pistola robada el 29 de marz a 'na Guardia Giurada e 'l mazza.

El se da dònca a la fuga in d'on àrea de 40 km quadraa in del ferrares indova l'è cercaa de 150 omen per turn cont i can molecolar e i visor notturn. A l'è però mìnga trovaa e 'l riva a sfidà la polizia pussee de 'na voeulta.

La cattura in Spagna[Modifega | mudìfica 'l sorgènt]

El 17 de magg al Comand Central di Carabinieri la riva ona cartolina che la dis che 'l Fehrer a l'è pu in Italia, anca se 'l se pensa che 'l sia rivaa in Spagna in del settember e che 'l sia passaa de cinch paes con 18 identità different.

El 5 de dicember assalta, in Spagna, ona fattoria e 'l coppa dò mèmber de la Guardia Civil, dedicaa a la lotta a l'abigeaa.

El 15 de dicember, intorna ai or 2:50, a l'è menaa via de la polizia spagnoeula a El Ventorrillo. L'Italia l'ha domandaa l'estradizion ma la Spagna la voeur prima analizzà i delitt faa in del sò paes e l'è staa mittuu in preson sènza cauzion.

El 27 de marz 2019 a l'è condanaa a l'ergastol de la giustizia italiana.

Riferiment[Modifega | mudìfica 'l sorgènt]