Nümar 3
| |
|
0 | 1 | 2 | 3 | 4 | 5 | 6 | 7 | 8 | 9 | >>
|
|
|
Quel articul chì l'è scrivüü in Lumbard, cun l'urtugrafia insübrica ünificada. |
Al nœmer 3 'l é al nœmer intrech ch'al siguta ul 2 e al ven prima del 4.
Nom del nœmer in difereent diàlet: M.trii... F.trè...
- Ul 3 a l'è ul seguunt nümar primm e ul primm nümar primm díspari. Da plüü ul 3 a l'è ul primm nümar primm da Fermat e ul segueent a l'è ul 5.
- Ul 3 a l'è apó ul seguunt nümar triangülaar, dapress dal 1 i prima dal 6.
- Ul 3 a l'è ul quaart tèrmen di Nümar da Fibonacci, dapress ul 2 e prima dal 5.
Si sa mültiplica un nümar par 3 s'utegn ul trípel da cheest nümar, cura ca dividiint par 3 na s'utegn un teerz, si cheest a l'è divisíbel par 3. Ul cübi d'un nümar s'al representa cul 3 a espuneent: e cura ca l'espuneent a l'è 1/3 s'al diis ariis cüba.
Al esiist difereent prefiss ch'i significa 3 e i participa in la custrüzziú d'una gran cumpagnía da parole d'üüs da tücc i dí: ter i tri, cuma in terziari e trinitaa.
Int un bell puu da cültüre, ul 3 s'al representa par trii puunt u tirett (urizuntaal u verticaal): par esempi, in la nümerazziú rumana (III) e in la nümerazziú cinesa (三).
Ucürenza dal 3:
- Intal cristianiism a l'è un nümar símbul da Déu, gja che trè i è i custaa dal triàngul cun che sa la representa e trè i è le persone ch'i al furma. Par taant al pariss int un bell puu da övre religjuse.
- Le trè fase dal prucess dialèttich da Hegel
- S'al referiss al tèrmien medià, al equilibri
- Ul nomm d'un strümeent a corda
- Tri tiip dànima in acrodi a Aristòtil
- Le dimensiú aparente dal üniveers
- I trii pudée dal Statt da Drecc: esecütiif, legislatiif e gjüdizziaal
- Le negazziú da Sant Pédar
- Le culuur primàrie: russ, gjaalt, bleu