Municipi de Vaduz

De Wikipedia
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.
Ona vista de Vaduz cont el municipi

El Municipi de Vaduz (Rathaus Vaduz in todesch) a l'è la sed del comun de Vaduz, la capital del Liechtenstein.

Storia[Modifega | mudìfica 'l sorgènt]

La fasciada con l'affresch del Sant Urban

El 17 de november del 1931 l'Assemblea Municipala la approeuva el progett de costruzion de 'na noeuva sed municipala, per volontà del sindegh de l'epoca Ludwig Ospelt. Cont on cost stimaa in 350'000 franch, trii voeult el guadagn annual di tass de la città, a l'era on progett proppi costos.

El 29 de sgenee del 1932 el Gran Consili Municipal ghe da al Franz Roeckle l'incaregh de fà su el noeuv Municipi e a la fin del settember 1932 el Comun l'approeuva i pian de costruzion, faa in collaborazion del Roeckle e del Sindegh.

El 19 de novembeer 1933 a l'è cerimonialment verta e l'ha opsitaa, oltra al comun, anca la Banca del Liechtenstein, la Liechtensteinische Landesbank, l'offizzi postal e 'n mugg de alter sociazion.

In del 1984, sotta del sindegh Arthur Konrad, a l'è renoeuvaa e de quell ann li a l'è doperaa domà per i fin municipai.

Art[Modifega | mudìfica 'l sorgènt]

L'ingress cont el stemma e i trii cavaj

El Municipi a l'è riccament decoraa cont di immagin del Sant Urban, patron de quej che fann el vin, che l'è reppresentaa in d'on affresch in sul balcon principal, e cont di immagin de viticoltura, che l'è 'n attività tradizionala de la zona de Vaduz. In del 1978 el Prenzip Franzesch Isepp el conced a Vaduz on noeuv stemma, che l'è miss in del palazz incis in la preja. In la piazza del Municipi la gh'è 'na statova de trii cavaj.

Riferiment[Modifega | mudìfica 'l sorgènt]