Municipi Vegg
|
Quest articol chì l'è scrivud in lombard, con la Noeuva Ortografia Lombarda |
El Municipi Vegg[1] (in italian Palazzo Visconti) l'è on palazz de la citaa de Saronn.
El se troeuva in del center de la citaa, in fond al Stradon (via Giuditta Pasta).
Storia[Modifega | modifica 'l sorgent]
A l'è stad fad su in del secol XVI, e al temp el partegniva a la fameja di Vescont. Cont el passà di secoi, el palazz a l'è passad in di man di Rubit e poeu di Schenard. In de la segonda metaa del Votcent l'è fenid in di man del Giuseppe Morandine, che l'ha faa deventà on colesg.
In del 1882 l'è stad comprad del comun de Saronn, che l'ha trasformad in de la sede del sò municipi, fina al 1926 (l'è de chì che el ven el nom in lombard). In del 1926 l'è deventad la sede de la Pretura, e l'è stad inscì fina al 1985. In del 1985 la Pretura la s'è spostada a Vares, e donca el Municipi Vegg l'è stad doperad per metegh dent i ofizzi di associazzion del territori comunal.
In del 2007 gh'è stad on incendi che l'ha portad di dagn ai ofizzi, soratut per via de l'aqua doperada per smorzà el foeugh. Al dì d'incoeu el Municipi Vegg l'è voeuid e bandonad.
Referiment[Modifega | modifica 'l sorgent]
- ↑ Giuseppe Radice, Saronno & Amarcord, Saronn, Società Storica Saronnese, 2021.