Mont Pennin

Quest articol chì l'è scrivud in lombard, con la Noeuva Ortografia Lombarda

I Pennin in Emilia: on pajes arent de Preja de Bismantua, (Prêda ed Bismântva in emilian resgian)

I mont Pennin i inn ona cadena de montagne longa pu o manch 1'200 km che la traversa tuta la penisola italiana del volt al bass, e che forma 'na spece d'arch con la part a ovest. La ponta a nord a l'è quella del Coll de Cadibona e quella a sud a l'è l'Aspromonte, in facia al stregg de Messina, in Calabria. I Pennin i varien in larghezza de 'n minom de 30 fin a ’n massom de 250 km.

Considerad el filon de la Penisola italiana, vist che ne marchen el confin con la Pianura Padana e tochen tucc i region de la Penisola, inn de solet partid in Pennin de Sora (a soa voeulta partid in Pennin ligurin e lombard), Pennin de Mez (partid in Pennin Omber-Marchigian e Abruzzes) e Pennin de Sota (partid in Pennin sannita, campan, lucan e calabres. Un quajvun ghe sgionta anca i Pennin sicilian.

La scima la pussee volta di Pennin a l'è el Corn Grand, scima abruzzesa de 2'912 meter, che l'è donca anca la scima pussee volta de l'Italia propia.

Alter proget

Altri progetti

• Wikiquote
• Wikimedia Commons

• Wikiquote el gh'ha dent citazzion de o su Mont Penin
• Wikimedia Commons el gh'ha dent imagin o alter archivi su Mont Penin

Riferiment

• Treccani