Mont Jemez

De Wikipedia
Salta a la navigazzion Và a cercà
Veduda di monti Jemez de la Forest Road 376 a Jemez Springs, Noeuv Messich. 2014
Lumbard ucidental Quest articol chì l'è scrivuu in lombard, grafia milanesa.

I mont Jemez ([ˈhɛmɛz]) hinn on grupp montagnos de origin vulcanica sistemaa intra i contee de Rio Arriba, Sandoval e Los Alamos in del Noeuv Messich, in di Stat Unid.

Ona fota de tribù indian pueblo hinn stad de cà in de la region di mont Jemez de prima che i spagnoeu rivassen in del Noeuv Messich. I indian pueblo di questa region chì inn i Jemez de lengua towa, de che i ciappen el nòmm questa cadèna montagnosa i Keresan de lengua keres e i Tewa de lengua tewa. Tsąmpiye'ip'įn è l’è ‘l nòmm in lengua tewa di mont Jemez.

El pont pussee alt de la cadèna montagnosa l’è el mont Chicoma (scrivuu anca Tschicoma o Tchicoma) a on'altezza di 3524 meter in sul livell del mar. La cità de Los Alamos e 'l Los Alamos National Laboratory hinn tacaa al fianch oriental de la cadena montagnosa, inveci la città de Jemez Springs la se troeuva a ovest. La Pajarito Mountain Ski Area l'è l'unica zòna del scì di Jemez. La New Mexico State Highway 4 l’è la strada principal per rivà ai località in di mont Jemez.