Modell nordegh
El modell nordegh a l'è 'n peculiar sistema socio-economegh doperaa in Scandinavia e fondaa in su 'na forta libertà economega per pagà per on fort stat social ben fonzionant che 'l compagna i sò abitant "de la cunna a la tomba".
A l'è consideraa donca 'na sintesi de success de 'na socialdemocrazia in d'on sistema liberista. Di politegh che fann part del modell nordegh a hinn:
- Ona forta red de sicurezza social, con istruzion a gratis (in Isvezia cont el voucher scoeula) anca a nivell universitari e sanità Beveridge universal gestida a nivell local
- Fort dirizz de proprietà, rispett di contratt e facilità de fà de business
- Pocch de regolamentazion e vertura al liber commercc internazional
- Bass nivell de corruzion
- Bon poder di sindacaa che gh'hann anca di pian per pagà la disoccupazion e che contratten cont i padron senza l'intervent dirett del Stat