Minga belligeranza

De Wikipedia
Lombard Quest articol chì l'è scrivud in lombard, con la Noeuva Ortografia Lombarda

Per minga belligeranza se intend la posizzion de un Stat che 'l toeu minga part a 'n conflit ma che 'l trata in manera diferenta i part in guerra: a l'è considerabel un quajcoss a mità in tra el stat de guerra e la neutralità. In sostanza, el Stat el va minga cont i so omen in guerra, ma el po dà una man a 'na part, per esempi cont el compartì l'intelligence o permetégh de doperà el so territori per vari reson.

Un esempi a l'è stada l'Italia prima de andà in guerra con la Germania nazista, in tra el 1939 e 'l 1940, o i Stat Unid che, prima de l'atach de Pearl Harbour, eren foeura de la guerra ma jutaven i Liad. Anca di Stat neutrai inn stad acusad de vesser minga belligerant, per esempi l'Irlanda e la Svezzia in la segonda guerra mondial.

Riferiment[Modifega | modifica 'l sorgent]

Vos corelade[Modifega | modifica 'l sorgent]