Hierophis viridiflavus

De Wikipedia
Va a: navegá, truvá
Ludesàn Chel articul chi l'è scrivüd en ludesàn cun urtugrafìa ludesana
Hierophis viridiflavus
Hierophis viridiflavus.jpg
Stat de conservazion
Classifigazion sientífiga
Regn: Animalia
Phylum: Chordata
Clas: Reptilia
Ùrden: Squamata
Famìa: Colubridae
Zèner: Hierophis
Nomm binomial
Hierophis viridiflavus

El Milò (Hierophis viridiflavus Lacépède 1789), l'è un bìs chel vìu visìn ai mación o arént ai abanunàd, generalmént in ambiént cun tànta vegetasión.

Long fin a dü metòr, da grand el g'ha la pèl négra cun mace giàlde. El milò el se möu apéna de dì e sémpor partèra, anca se l'è bón 'd rampegàs àgil e svèlt. Par quést el sò ambiént preferìd l'è la tèra cun le piànte erbàcee.

El pàcia lüzerte e ràt. Quand el g'ha fam el pöd mangià anca i öu o i üzéi picinìn, àltor bìs e ràn.

El milò l'è no velenùs, l'è no famùs, ma l'è impurtànt 'me stabilizadù dal nümor di ràt. Un milò el pöd mangià anca dü ràt al dì.

El num[Mudifega | mudìfica 'l sorgènt]

El Milò l'è cunusìd cun chel num chi in Lumbardia in d'le pruince de Milan, Lod e Pavia, in Piemùnt in pruincia de Nuàra e in Emìlia in pruincia de Piasensa, ménter a nord de Milan el ciàpa el num de Milòrd.

El serpént l'è famùs anca par le sò scumàgne: ratèra in del Varesòt parchè el pàcia i ràt; bis scursòn in Svìsra parché quand tel ciàpi el sùfia föra l'aria; verem bastunér o bìs bastunér a Bèrghem e Brésa.

Par ch'el num el g'ha da dipénd dal cumpurtamént d'la bìsa e dal culùr d'la sò pel. El milò el g'ha un andamént signurìl, el se spavénta mai e anca quand el scàpa l'è sémpor elegànt. La so pel l'è negra 'me el vestìd d'un lord inglés e le mace giàlde di volt parùn butón: el milò l'è pròpri el sciùr di bìs.