Michael Higgins

De Wikipedia
Lumbard ucidental Quest articol chì l'è scrivuu in lombard, grafia milanesa.
El scior Higgins in del 2006.

El Michael David Higgins (irlandes: Micheál Ó hUigínn; Limerick, 18 de april del 1941) a l'è on politegh irlandes.
A l'è nassuu de ona fameja povera, e in di Agn Sessanta l'è vegnuu member del Partii Laburista. A l'è staa el sindegh de Galway (città indove l'ha vivuu de on bell poo de temp), member del Senad e del Parlament.
A partì del 1993 e fin'al 1997 Higgins a l'è staa minister di art, de la coltura e del Gaeltacht, e l'ha defenduu de vera la lengua irlandesa. In tra i sò alter battaj a regordom quella per i goldon e per el divorzi.
L'è restaa in parlament fina al 2011. In quell ann lì, a l'è staa eleggiuu President de la Repubblega.