Michael Gamper
|
Quest articol chì l'è scrivud in lombard, con la Noeuva Ortografia Lombarda |
El Michael Gamper (Tesimo, 7 de fevrer 1885 - Bolzan, 15 de avril 1956) a l'è stad un prevet e ativista italian, de nazzionalità tirolesa. Canonegh del Dom de Bolzan, l'è stad assee ativ in la resistenza sudtirolesa a l'italianizazzion del regim fascista, l'è stad quell che l'ha pensad i Katakombenschule, l'ha poeu scernud, cont i opzzion in Sudtirol, de restà in Italia, indova che l'ha denonziad i rebellot del regim nazista e quand che inn rivad in del 1943 l'è scapad in Toscana, sota fals nom, indova che l'ha scrivud un memorandum in sul Tirol meridional de consegnàgh ai Liad, per domandàgh el tornà de la zona a l'Austria a la fin de la guerra.
Restad el Sudtirol a l'Italia, el s'è lomentad dopo di acord De Gasperi-Gruber per la scerna de tegnì la ministrazzion de la Region Trentin-Sudtirol, de magioranza italiana, e l'ha paragonad la roba ai marce de la mort di nazista in del 1953, roba che l'ha mobilitad i sudtiroles e l'ha volzad el tenor del conflit etnegh, che poeu l'è rivad al terrorism, con l'organizazzion pussee cognossuda di Befreiungsausschuss Südtirol.
Mort in del 1956, el Dolomiten gh'ha dedicad tuta la prima pagina intrega e l'è stad paragonad del Franz Gschnitzer, deputad austriegh, al Mosè, per la soa capacità de guidà el so popol in di moment pussee gram de opression.
Bibliografia
[Modifega | modifica 'l sorgent]- Assunta Esposito, Stampa cattolica in Alto Adige tra fascismo e nazismo. La casa editrice Vogelweider-Athesia e il ruolo del canonico Gamper (1933-1939), Roma, Aracne, 2012 (Collana Storia contemporanea 13), ISBN 978-88-548-5421-5.