Metropolitana de Praga
| Metropolitana de Praga | |
|---|---|
| |
| |
| Tipolojia | metropolitana |
| Stats |  Cechia |
| Territore | Praga |
| Vertura | 9 magg 1974 |
| Part de | Prague Integrated Transport |
| Linie | 3 |
| Operador | Prague Public Transit Company |
| Sit ofiçal | www.dpp.cz/en/ |
| Treni | 730 |
| Scartament | 1435 mm |
| N. stazion e fermade | 61 |
| Lungeza | 65,2 km |
| Passajer | 1 454 240 per dé 530 797 600 l'ann |
| |
| istruzion | |
La metropolitana de Praga (in cecch Metro v Praze) a l'è la metropolitana de la capital ceca. Fada su in del 1974, incoeu la cunta 3 lign, pussee vuna in progett, e 61 stazion. A l'è el sistema pussee doperaa in Europa quell de cinch.
Informazion[Modifega | modifica 'l sorgent]
La red, gestida de l'ent publich Dopravní podnik hlavního města Prahy che 'l gestiss tucc i servizzi de la città, l'è compognuda de trè lign e 61 stazion, de che trè a hinn de interscambi. Dal 1993 a l'è possibil scambià cont el servizzi ferroviari suburban de Praga e cont di parchegg. El servizzi a l'è vert di 4-5 a mezzanocc, de nocc a l'è sostituii di tram notturn. I segnai a hinn per la pupart in lengua ceca anca se l'è in progett de mett i cartej multilengov almen in del center.
La red a l'è fada su a forma de triangol e la pupart di stazion a l'è fada cont ona banchina a isola e 'n unich tunnel per tucc i binari. La pupart del trasciaa a l'è faa in tunnel, anca se gh'è di tratt in viadott.
Lign[Modifega | modifica 'l sorgent]
I lign a hinn:
| Linia | Percors | Inaugurazion | Ultima estension | Longhezza in km | Numer di stazion | Viaggiator in milion | Temp de percorrenza |
|---|---|---|---|---|---|---|---|
| Linia A | Nemocnice Motol ↔ Depo Hostivař | 1978 | 2015 | 17,2 | 17 | 0,276 | 30 min |
| Linia B | Zličín ↔ Černý Most | 1985 | 2001 | 25,7 | 24 | 0,404 | 42 min |
| Linia C | Háje ↔ Letňany | 1974 | 2008 | 22,4 | 20 | 0,53 | 35 min |
| Total: | 65,3 | 61 | |||||
Material rotabil[Modifega | modifica 'l sorgent]
El servizzi a l'è faa con dò tipi de treni a cinch cass, 265 unità del tipo M1 e 465 del tipo 81-71M
Metro M1[Modifega | modifica 'l sorgent]
|
Per savenn pussee, varda l'articol Metro M1 (Praga). |
El Metro M1 a l'è doperaa dal 2000 in su la linia C.
81-71M[Modifega | modifica 'l sorgent]
|
|
Per savenn pussee, varda l'articol Škoda 81-71M. |
I 81-71M a hinn di evoluzion di Metrovagonmash 81-717/81-714, tìpich del Blocch Oriental, cont on motor noeuv. A hinn doperaa dal 1996 in sui lign A e B.
Vegg treni[Modifega | modifica 'l sorgent]
Prima eren doperaa:
- 81-71, doperaa in sui lign A e B e poeu modernizzaa
- Ečs, doperaa in su la linia C.
Storia[Modifega | modifica 'l sorgent]
Anca se 'l sistema indeperluu a l'è assee recent l'ideja de 'na metropolitana a Praga a l'è del 1898, fada del Ladislav Rott che l'ha parpognuu de doperà i scav giamò faa per fà la metropolitana. On'altra proposta l'è rivada in del 1926 e, anca se tucc du a hinn staa incagaa, han daa on impuls per l'ideja.
In di agn '30 a '40 el sistema, on mes'ciott in tra servizzi ferroviari suburban e premetro, a l'era giamò pront ma a l'è staa minga faa su per la guerra e poeu per la povertà de la neonassuda Cecoslovacchia.
In del 1967 scomincen a fà su Hlavní nádraží per ona red de tram sotterranea, ma i sovietich deciden de fàgh fà ona metropolitana classica. El 9 de magg 1974 scomincia el servizzi ordinari in su la linia C. El 22 de febrar 1990 13 stazion cont di nomm ligaa al comunism a hinn mudaa in nomm politicament neuter.
In l'agost 2002 la red a l'è colpida di luvion e dannegiada per pussee de 200 milion de dollar. Anca in del 2013 a gh'è di dagn, pussee contegnuu, per i luvion.
Progett[Modifega | modifica 'l sorgent]
A l'è in progett la linia D, bloeua, per conligà el center città cont i zon a Sud de Vršovice, Krč, Libuš e Písnice, cont 10 stazion de che 2 de interscambi. La linia la gh'avarà de vèss fàda su in tra el 2019 e 'l 2023.
Se parla anca de la linia E, 'na linia circolara. Se parla anca de slongà la linia A a l'Aeroport Václav Havel, ma l'è pussee probabil che la sia fàda 'na ferrovia.
Biliett e anonzij[Modifega | modifica 'l sorgent]
La metropolitana la gh'ha minga di tornej e gh'è di controllor in sui treni e in sui banchinn, sia borzoà sia in uniform, che controllen i biliett. El biliett normal, per 90 menut, el costa 32 CZK, e gh'è anca quell de 30 menut a 24 CZK. A gh'è di biliett turistich per 24 or (110 CZK) e 3 dì (310 CZK). A l'è possibil anca crompà l'abonament de on mes (550 CZK), trii mes (1480 CZK) o l'annual (3650 CZK).
La metropolitana a l'è anca famosa per i sò annonzij, despess i primm fras in cecch che la gent la sentiss. El pussee famos a l'è "Ukončete, prosím, výstup a nástup, dveře se zavírají" ("Per piesee, finii de saltà su e andà giò che i port se saren"). Alter fras doperaa a hinn "Vystupujte prosím vpravo, ve směru jízdy" ("Sortii in del lat drizz"), "Konečná stanice, prosíme, vystupte" ("Capoligna, per favor sortii") e "Přestup na linky S a další vlakové spoje" ("Interscambi cont lign S e alter servizzi ferroviari").
Galleria di foto[Modifega | modifica 'l sorgent]
Stazion de Střížkov
Stazion de Malostranska
Treno M1
Treno 81-71M
Intern d'on M1
Intern d'on 81-71M
La particolar Stazion de Rajská zahrada
Pont antigh sotta 'na stazion
Propaganda de la Cecoslovacchia comunista a la stazion de Hradčanská
Validatora praghesa
