Metro de Mirandela
|
Quest articol chì l'è scrivud in lombard, con la Noeuva Ortografia Lombarda |
Metro de Mirandela l'è el nom doperad comunement per el servizzi ferroviari suburban ciamad ofizzialment Metropolitano Ligeiro de Mirandela. El servizzi ferroviari l'è fad in su quell che resta de la ferrovia del Tua a scartament metregh e trazzion Diesel in bas ai esigenze del comun Mirandela, in del Nord del Portogall.
Storia
[Modifega | modifica 'l sorgent]El "Metropolitano ligeiro de Mirandela" l'è stad fad su cont el decret lesg n. 24 del 8 de fevrer del 1995, che l'ha autorizad el fà su de una società publega per azzion che l'unegh azzionista l'è el comun de Mirandela.
El servizzi l'è fioeul di taj che i Caminhos de Ferro Portugueses hann fad a la red in di agn '90.
A partì del 28 de sgiugn del 1995 la noeuva azienda l'ha scominciad l'esercizzi del trat Mirandela - Carvalhais a fà su i fermade de Mirandela-Piaget, Tarana, Jacques Delors e Jean Monet. El 21 de otover del 2001, otegnuda la concession di CP, a l'è slargad el servizzi ai Ferrovie del Tua. El 12 de fevrer del 2007 in de la stazzion de Castanheiro la motriss Bruxelas la desvia e la se reversa, roba che la copa vot persone. El 22 de avost del 2008 a gh'è un alter incident, che 'l lassa un mort e 43 ferid .[1]
El servizzi metropolitan l'è stad fermad anca a causa di reson economegh, tant che la linia l'ha ris'ciad de vesser sarrada per semper.[2]
Del 2014 el servizzi el se fa in tra Carvalhais, Mirandela e Cachao[3] e el se fa con cadenza variabel in bas al dì.[4] I corse inn limitade in di dì de festa e 'l sabet.
Riferiment
[Modifega | modifica 'l sorgent]- ↑ Template error: argument title is required.
- ↑ Template error: argument title is required.
- ↑ You must specify title = and url = when using {{cite web}}..
- ↑ You must specify title = and url = when using {{cite web}}..
Alter proget
[Modifega | modifica 'l sorgent]
Wikimedia Commons el gh'ha dent imagin o alter archivi su Metro de Mirandela
