Melissa (virus)

De Wikipedia
Va a: navegá, truvá
Lumbard ucidental Quest articol chì l'è scrivuu in lombard, grafia milanesa.

Melissa a l'è staa on macrovirus programmaa de l'american David Smith e spantegaa el 26 de marz del 1999. El par che l'ha faa dagn per circa 1,3 miliard de Euro e l'è consideraa el virus che 'l s'è spantegaa pussee.

Fonzionament[Mudifega | mudìfica 'l sorgènt]

El virus el dopera el lenguagg macro Visual Basic del Office, che 'l fonzionava finna a Office 2000 e Windows NT.

El se presentava 'me allegaa cont ona lista de sitt porno cont i sò credenziai, ma 'na voeulta vert l'attivava el codes malevol che 'l scrivi 'na ciav in del Register del Windows e 'l modifega i impostazion de sicurezza e 'l modifega el modell standard de Word con quell del virus. Se gh'è Outlook, el se manda a 50 contatt de l'utent.

Inoltra se i megnuu de l'ora hinn comé el dì (per esempi i 14:12 del 12 de april) el scriv in di document "Twenty-two points, plus triple-word-score, plus fifty points for using all my letters. Game's over. I'm outta here" ciappada de 'n episodi di Simpson.

Variant[Mudifega | mudìfica 'l sorgènt]

La prima variant famosa del virus a l'è Melissa.I, che 'l gh'eva pussee scerna in di test de la mail infettanta e ona fras differenta quand che i megnuu eren istess del dì.

La variant O inveci la se mandava a pussee gent cont on test politegh.

I variant U e V se spanteghen men ma hinn pussee destruttiv, e scancellen vari file de sistema e unità di dacc.

Melissa.W inveci la disattiva no i fonzion de sicurezza de Office. Melissa.AO a l'è istess de la variant bas, ma el 10 de ogni mes ai or 10 el scriv in del document "Worm! Let's We Enjoy".

El programmator[Mudifega | mudìfica 'l sorgènt]

Riferiment[Mudifega | mudìfica 'l sorgènt]