Mazzament de Mont Sol

Quest articol chì l'è scrivud in lombard, con la Noeuva Ortografia Lombarda

Preja per desmentegà nò el masacher mituda a mur in del campsant de Casaja, Marzabot.

El mazzament de Mont Sol, o anca mazzament de Marzabot (del pussee grand in tra i comun colpid), l’è stad un insema de strage fade dei soldad nazifascista per el Volt Ren, in provincia de Bologna in tra 'l 29 de setember e el 5 de ociover del 1944. I comun colpid inn stad Marzabot, Grizzana e Monzun, tucc arent ai pè del Mont Sol.

A gh’è stade 1'830 persone copade.

Fad

Despoeu del mazzament de Sant’Ana de Stazzema, in del 12 de avost del 1944, i todesch hann tacad la "marcia de la mort", on’operazzion de represaja de civii in di sit de la Versilia e de la Lunesana, in de la Toscana emilianofona, fin ai zone del Volt Ren, in Emilia, par desfà i formazzion de resistenza partesana de sti sit chì, ’me la brigada "Strella Rossa", che l’era 'dree a combater lilinscì.