Mastegh
El mastegh a l'è ona colla liquida che la gh'ha tanti fonzion diferent. La riva de la rasa del lentisch, deslenguada in de la trementina.
La se tacca in sui superfis pussee dur. El mastegh el se induriss mai del tutt, ma el resta semper on poo gommos, e l'è per quest che l'è perfett per i component che gh'hann de restà flessibei, tant 'me la gomma o el coramm.
La vegna doperada in cà e in de l'industria, per esempi:
- Per taccà i tubolar ai roeud di biciclett.
- Per taccà giò i topp ai camer d'aria.
- Per taccà ogett in marmor che hinn staa s'ceppaa (compagn del brasc d'ona statoa).
El nomm
[Modifega | modifica 'l sorgent]El termen mastegh el riva del latin "mastĭche(m)", che l'è derivaa de la parolla greca mastiché (gomma de lentisch). La parolla la se troeuva anca in olter lengov romanz (italian mastice, frances mastic).