Massimo Volume
|
|
Quel articul chì l'è scrivüü in Lumbard, cun l'urtugrafia insübrica ünificada. |
I Massimo Volume a hinn un grüp de rock che'l s'è furmaa a Bulogna a la fin di agn '80 e che l'ha desmetüü de sunà in del 2002 per pöö turnà in del 2008. A hinn cunsideraa vün di grüp püssee impurtant che l'ha cantaa in talian.
Storia
[Modifega | modifica 'l sorgent]Atif a Bulogna in del periud de l'ucüpaziun del center sucial Pratello, dopu d'un prim demotape, registraa in del 1992 e ciamaa Demo Nero (Demo Negher) per el culur de la sua cuertina e che l'ha interessaa l'ambient discugrafich, in del 1993 a l'è surtii el sò prim disch ciamaa Stanze (Stanz) per la cà discugrafiga indipendenta Underground Records.
In del 1995 a l'è surtii per la Polygram (cun la prudüziun de la Mescal) l'album Lungo I Bordi, prubabilment el sò disch püssee bel.
El 31 de desember del 1996 i Massimo Volume hann presentaa i canzun de l'album Da Qui (De chì), in d'un cuncert al Link a Bulogna un dì che'l fiucava un frach. Per l'album la gh'è la culaburaziun d'un növ ghitarista: el Metello Orsini. El prudütur artistich a l'è l'ex Lounge Lizards Steve Piccolo.
In de l'utuber del 1999 a l'è surtii l'ültim album, Club Privé, cun la partecipaziun del milanes Manuel Agnelli di Afterhours (alla prudüziun) e de la Cristina Donà. La gh'è anmò la culaburaziun del Steve Piccolo. In quel agn là al grüp al s'è giuntaa anca el Dario Parisini, ex di Disciplinatha, che'l mularà el grüp l'ann dopu.
El grüp l'ha faa anca la culona sunora del film Almost Blue de l'Alex Infascelli, cun canzun növ e vecc.
Dopu che aveven desmetüü de sunà in del 2002, el grüp a l'è turnaa a sunà el 12 de lüj del 2008 per un cuncert special 'me süport di Afterhours e de la Patti Smith al Traffic Festival de Türin, e pöö, el 10 de agust, al Frequenze Disturbate de Ürbin.
Furmaziun
[Modifega | modifica 'l sorgent]Alter müsicista
[Modifega | modifica 'l sorgent]- Gabriele Ceci - ghitara (1991-1997)
- Umberto Palazzo - ghitara e vus (1991-1992)
- Metello Orsini - ghitara (1997-1999)
- Marcella Riccardi - ghitara e vus (1999-2002)
- Dario Parisini - ghitara (1999-2000)
- Stefano Pilia - ghitara (2008)
Discugrafia
[Modifega | modifica 'l sorgent]In del stüdi
[Modifega | modifica 'l sorgent]- 1993 - Stanze
- 1995 - Lungo i Bordi
- 1997 - Da Qui
- 1999 - Club Privé
Culonn sonor
[Modifega | modifica 'l sorgent]Compilation
[Modifega | modifica 'l sorgent]- 1997 - Fuoco fatuo in Metal Machine Muzak