Massa d'aria

De Wikipedia
Sata a-a navegassion Sata a-a serchia
Lumbard ucidental Quest articol chì l'è scrivuu in lombard, grafia milanesa.
Región indoe se formen i massa d'aria principàj de la Tèrra

In meteurulugia ona massa d’aria a l’è on enòrme blòcch de atmosfera omogenea del pont de vista fisich che de sòlit la se troeuva in sui región dominàd di anticliclon de blòcch (anca ciamàa anticiclon permenent) indoe el vent l’è scars. I mass d’aria hinn classificàd in cald o frègg e anca in marittim e continentàj a segonda che se foeurmen sora i oceani o sora i continent. [1]

Mass d'aria principaj per el clima de l'Italia[Modifega | mudìfica 'l sorgènt]

I mass d’aria principàj per el clima de l’Italia a hinn: [2]

  • l’aria artica, che la ven di zòn arent al Pòlo Nòrd, in particolar la Groenlandia, l’isola Spitzberg, el Mar del Barents, e la Russia del Nòrd. Donca la pò vèss marittima (simbol mA), oppùr continentàl (sìmbol cA).
  • l’aria polar che la pò vèss marittima (simbol mP) se la ven del l’Atlantich del nòrd oppur continental (simbol cP) se la ven de la Russia central e de la penisola del Labrador.
  • l’aria tropical che la pò vèss marittima (simbol mT), o ben quèlla che la ven di Mar sub-tropicàj e di Azzòrre oppur continental (simbol cT), o ben quèlla che la ven de l’Africa del nòrd.

Mass d'aria e stabilità atmosferega[Modifega | mudìfica 'l sorgènt]

Quand che i mass d’aria frèccia van vèrs di latitudin pussée bass vegnen scaldàa manemàn de manera che ‘l se fà su on profìl tèrmich vertical cald de bass e frègg de sora instabil bon de ingenerà di temporal. L’incontrari el succed quand che di mass d’aria pussée cald vànn vèrs i alt latitudin, in quèll caso chì i condizion hinn favorevol per la stabilità atmoferega (inversadura tèrmica).[3]

Riferiment[Modifega | mudìfica 'l sorgènt]

  1. Mario Giuliacci (2010). Manuale di meteorologia (in italian). Alpha Test, 396. ISBN 88-483-1168-7. 
  2. Mario Giuliacci (2010). Manuale di meteorologia (in italian). Alpha Test, 397-398. ISBN 88-483-1168-7. 
  3. Mario Giuliacci (2010). Manuale di meteorologia (in italian). Alpha Test, 399. ISBN 88-483-1168-7.