Marco Alparone
|
Quest articol chì l'è scrivud in lombard, con la Noeuva Ortografia Lombarda |
El Marco Alparone (Catania, 12 de dicember 1967) a l'è un politegh italian, vizepresident de la Region Lombardia e assessor a bilancc e finanza del 2023.
Biografia
[Modifega | modifica 'l sorgent]Nassud a Catania, el se laurea in farmacia a Milan e 'l va dent a l'Armada italiana per du agn 'me ofizzial sanitari e, congedad, el taca a lavorà 'me farmacista. El deventa consejer de l'orden di farmacista di province de Milan e Lod in del 2004 e 'l resta inscì anca incoeu.
El va in politega in del 1994 con Forza Italia a Paderna Dugnan e in del 1999 l'è elesgiud consejer comunal, l'è rielesgiud in del 2004 e fad vizepresident del Consili Comunal. In del 2009 el deventa el prim sindegh de center-destra del comun, a vincer al prim turno. L'è rielesgiud in del 2014, e 'l deventa anca consejer de la cità metropolitana de Milan.
El se candida in del Consili Regional in del 2018 con Forza Italia e l'è elesgiud, in del 2021 el molla el partid del Berluscon per andà dent al grup de Fradei d'Italia. L'è rielesgiud in del 2023 e l'è fad assessor.