Malnutrizzion
|
Quest articol chì l'è scrivud in lombard, con la Noeuva Ortografia Lombarda |
La malnutrizzion l'è on stat de mancà de nutriment adeguad per on organism. A gh'è du tip de malnutrizzion: la nutrizzion insuficienta e la nutrizzion ecessiva.
La malnutrizzion l'è on problema seri, sia a nivell mondial che local. A gh'è di fator che contribuissen a la malnutrizzion, sia a nivell individual che a social. Al nivell de la persona, ona dieta mia adeguada, on calà de access a di nutriment adeguad, e on mancà de cognossenza in su la nutrizzion poden menà a la malnutrizzion. A nivell colletiv, la povertà, la guerra, la mancanza de infrastruture adeguade per la distribuzion del mangià e la discriminazzion poden havégh el so pes.
La prevenzion e el tratament de la malnutrizzion inn important per la salut de la popolazion. La se po prevegnì con l'informazzion e cont el dà del mangià per quei che poden havéghel no, el trattament de la malnutrizzion inveci l'è different a seconda del tipo de malnutrizzion, e 'l pò havégh denter el doperà de integrator nutrizzional o, per quei cont una salut assee compromessa, l'access al servizzi sanitari.
Tipi[Modifega | modifica 'l sorgent]
Insuficienta[Modifega | modifica 'l sorgent]
La malnutrizzion insuficienta l'è quand che ghe calen di nutrient necessari per el stà ben de l'organism. A gh'è diferent tip de malnutrizzion insuficenta: el vesser sota de pes, la malnutrizzion proteica e la carenza de vitamine e minerai.
- El vesser sota de pes l'è quand che ona persona la pesa men de quell che la deveria pesà, a tegnì a ment la soa età, la soa statura e la soa atività fisega
- La malnutrizzion proteica l'è quand che ona persona la ricev men rispet a la quantità adeguada de proteine
- La carenza de vitamine e mineral l'è quand che ona persona la ricev men che la quantità adeguada de vitamine e mineral indispensabili per el so stà ben.
Ecessiva[Modifega | modifica 'l sorgent]
La malnutrizzion ecessiva l'è quand che ona persona la ricev tròp de 'n quaj nutrient, e quella roba chi la pò portà a di problema de salut. La pò vegnì foeura de 'na dieta mia adeguada o de 'n doperà ecessiv de integrator.
Ligada al mangià trop a l'è l'obesità, o ben quand che ona persona la pesa trop rispet a quell che l'è giust, roba che la mena a 'n fort stress per el corp e a 'n volzàss di ris'c de varie malatie.
Riferiment[Modifega | modifica 'l sorgent]
Alter proget[Modifega | modifica 'l sorgent]
Wikimedia Commons el gh'ha dent imagin o alter archivi su Malnutrizzion
