Maledizzion di resorse
|
Quest articol chì l'è scrivud in lombard, con la Noeuva Ortografia Lombarda |
La maledizzion di resorse l'è quell fenomen che 'l fa che paes che gh'hann di gran quantità de resorse naturai, tipicament petroli o minerai, i gh'habia di problema economegh e sociai. L'è despess ligad a la corruzzion o a la clientela, indova che la sgent che la gh'ha i mez per sfrutà la resorsa la fa un gran profit, menter la popolazzion general la gh'ha di salari bass e condizzion de vita pòch bone, ma el po vesser ligad anca a di problema de deferenziazzion, per esempi quand che 'n paes el gh'ha di resorse che inn vendude anca di alter paes. Ad esempi, se 'n paes al gh'ha el petroli, anca di alter paes ghe l'hann, e donca la soa abilità de comandà i prezzi l'è pussee bassa e se se sbassen el po ciapà 'n bell colp, per esempi l'invasion irachena del Kuwait del 1990 la gh'haveva, in tra i so casus belli el fad che 'l Kuwait el faseva trop de oli, a sbassà i prezzi e a fà di dagn a l'economia irachena. Opur, poden vegnì foeura di conflit secessionista, indova che di region se senten sfrutade del governo central e robade di so resorse, di esempi inn Cabinda e 'l Katanga, che voeulen partìss respetivament de l'Angola e del Congo.
El nasser de la mafia siciliana l'è stad conligad a 'n fenomen compagn de 'n quai studi, pussee de precis a l'è vegnuda foeura in di comun pussee sciori de zofregh, che a l'epoca a l'era l'export el pussee important de l'isola mediterranea.
Bibliografia[Modifega | modifica 'l sorgent]
- THE STRONG ROLE OF NATURAL RESOURCES IN SECESSIONIST CONFLICTS: A COMPARATIVE ANALYSIS OF MAIN FEATURES