Macchina del cafè espress

De Wikipedia
Salta a la navigazzion Và a cercà
Lumbard ucidental Quest articol chì l'è scrivuu in lombard, grafia milanesa.
Macchina del cafè

Cont el tèrmin macchina del cafè esprèss (despess breviada in macchina del cafè indova che i àlter tìpi de cafè a hinn no tradizionai) el ven insegnàa on elettrodomèstich per la preparazión semi-automatica del cafè esprèss.

Storia[Modifega | modifica 'l sorgent]

L'invenzión de la macchina del cafè esprèss modèrna l’è on lavorà del turines Angelo Moriondo.[1] L’Antonio Cremonese nel 1936 a Milan l’hà depositàa el brevètt n. 343 230 con la certificazión del métod ciamàa "rubinètt a stantùff per la macchina del cafè esprèss" In de l’istèss ann l’Antonio Cremonese l’mòrt gióvin e l’Achille Gaggia, barista prèss al locàl de la famiglia, el bar Achille de Vial Premuda in del center de Milán, l’hà comprà el brevètt de la vèdova, la Rosetta Scorza, l’hà miglioràa con di àlter sò brevètt e gh’hà dàa l’inviada a la produzión industriál de la macchina del cafè esprèss, che i sò caratterìstich fondamentàj hinn ancamò istèss.

La diffusión de massa la gh'è stada a partì del dòpoguèrra, ancabén la macchina del cafè inscì come la conóssom incoeu la fudèss giamò stada inventada e doperada a comenzà del 1902 del milanés Giuseppe Bezzera[2].

A l’inviada l’era doperada domà in di Bar e in di àlter esercizzi pubblich, poeu l’hà taccàa a vegnì doperada come on apparècc anca domèstich a partì di ann settanta.

Caratteristich[Modifega | modifica 'l sorgent]

Ona macchina del cafè esprèss l’è fada su de: ona caldera, on gruppo de fornidura, 'na resistenza elèttrica, 'n'elèttro-pompa, ‘na lanza per el vapor, on manòmetro, on sistèma de contròll de la temperadura e in del de denter di componént elettrònich e elèttrich.

La pupàrt de quèj domèstich hinn fàa su de 1 o 2 grupp de fornidura, indoe vegnen piazzàa i chiccher, inveci quèj professionàj pòden avègh anca a quetter grupp.

A segonda del modèll, ògni macchina del cafè esprèss la pò avègh on rivestimént de foeura de plastega o alumini.

La preparazion del cafè l'è relativamént sempliz: a se impienìss el recipiént del grupp de fornidura con la càrega (obbiàa de cafè, capsula, o cafè masnàa) a se pònn la chìcchera e se fa fonzionà el cománd de fin per finaa l’è ragginònta la quantità de cafè ch'a se voeur.

Aziend produttris (in ordin de alfabètt)[Modifega | modifica 'l sorgent]

Riferiment[Modifega | modifica 'l sorgent]

  1. Il ritorno alla competitività dell'espresso italiano. Situazione attuale e prospettive future per le imprese della torrefazione di caffè: Situazione attuale e prospettive future per le imprese della torrefazione di caffè, FrancoAngeli, 2014.
  2. https://patents.google.com/patent/US726793?oq=%22Luigi+Bezzera%22 Nov.11

Bibliografia[Modifega | modifica 'l sorgent]

  • Lucio Del Piccolo (a cura di), Coffee makers : Macchine da caffè (in it, en), Verucchio, Collezione Enrico Maltoni, 2013.
  • Ambrogio Fumagalli, Macchine da caffè = Coffee makers (in it, en), Milano, BE-MA, 1990.
  • Vittorio Gregotti, Il disegno del prodotto industriale: Italia 1860-1980, Milano, Electa, 1986.