M-Bahn

De Wikipedia
Lumbard ucidental Quest articol chì l'è scrivuu in lombard, grafia milanesa.
Treno 06, incoeu in musee a Norimberga

La M-Bahn a l'è staa on sistema de straport publich faa su a Berlin Ovest in tra el 1983 e 'l 1991 per tappà on bus in del straport dovuu al mur de Berlin: a l'è staa doperaa domà dal 18 al 31 de giugn del 1991, period che poeu l'è borlaa el mur e l'ha permittuu de servì de noeuv el trasciaa local de la metro, anca se giamò dal 1989 a l'era in pre-esercizzi.

Treno a levitazion magnetica, a l'è staa el segond sistema del gener a vess vert al publich.

Tecnologia[Modifega | modifica 'l sorgent]

Per moeuves i treni M-Bahn doperaven di motor linear a stator longh, ma diversament del Transrapid e di treni Maglev d'incoeu domà el 85% del pes del treno a l'era sostegnuu magneticament, el rest l'era tegnuu di rodaj classich.

L'era on sistema automatich, anca se 'l podeva vess guidaa anca de 'n omm.

Tratta[Modifega | modifica 'l sorgent]

Berlin - Karte der M-Bahn.svg

La ferrovia la andava circa da nord a sud, e la gh'eva trè stazion:

La tratta in tra Kemperplatz e Bernburger a l'era a binari doppi, in tra Bernburger e Gleisdreieck el doperava el viadott che 'l gh'era prima per la metropolitana, a binari singol.

La tratta a binari doppi a l'è stada destrugada.

Material rotabil[Modifega | modifica 'l sorgent]

Treno in corsa

El sistema el gh'eva 8 treni, ma minga tucc i eren doperaa in servizzi.

I treni da 01 a 04, el 06 e 'l 07 eren di M80/2, faa de la Waggon in tra el 1987, per i test, e 'l 1991. Incoeu el 04, el 06 e 'l 06 a gh'è anmò, e la 06 a l'è al Musee di Straport de Norimberga.

La vettura 706 a l'era del modell M70/2, ossia ona proeuva doperada in su 'n cirtuitt de proeuva a Braunschweig.

La vettura 05, fada de la Messerschmitt-Bölkow-Blohm, a l'era Diesel e l'è stada tolta via in del 1986.

Vos correlaa[Modifega | modifica 'l sorgent]