Và al contegnud

Luis Balocch

Sgionta di conligament
De Wikipedia
(Rimandad de Luis Balocchi)
Lumbard ucidental Quest articol chì l'è scrivuu in lombard, grafia milanesa.

El Luis Balocch (in italian Luigi Balocchi; Mortara, 30 de giugn 1962[1]) a l'è on poetta e scrittor italian.

Biografia

[Modifega | modifica 'l sorgent]

Nassuu a Mortara, l'è ligaa per reson de famiglia a Biaa: in tra i agn '80 e '90 l'ha lavoraa 'me giornalista, soratutt de cronega negra, ma poeu l'ha daa indree in protesta contra i orden professionai.[2]

Deventaa poeu maester elementar[3], del 2005 el tira in pè la sociazion "La Brasca Lombarda", dedicada a la tutella, al spantegà e a l'insegnà la lengua lombarda.[4]

Vesin a di posizion in favor di popoi indigen e member de Survival International, el se svesinarà al moviment econazionalista Domà Nunch[5], in del 2022 el se candida ai comunai de Biaa con la Liga, cont on programma tutt fondaa in su la coltura, ma l'è minga elegiuu.[6]

Lavorà

[Modifega | modifica 'l sorgent]

Anca se l'aveva daa foeura di cunt in di agn '90 la soa prima oeuvera importanta a l'è stada ona traduzion del Qoelet in lombard, dada foeura del 2006.[7] Del 2007 el scriv Il diavolo custode per l'editor Meridiano Zero[8], on romanz in su la vita del bandii Sante Pollastri che l'aveva cognossuu de persona. Del 2010 el dà foeura Un cattivo maestro per Mursia e del 2011 Coelett per l'editor La memoria del mondo. Del fevree 2015 el dà foeura la cattada de poesij Appunti per la grande carestia per l'editor Divinafollia. Del 2015 el dà foeura con la goWare el noir Il Morso del Lupo[9][10]. L'è redattor de la rivista litteraria independenta Niederngasse. Del ginee 2017 el dà foeura con Puntoacapo Editrice la cattada Atti di Devozione. Exit in Fiamme, romanz grottesch e de fantasia in su la fin de Milan[11][12], l'è daa foeura Emersioni (grupp Lit Castelvecchi) del november 2019[13].

Del 2021, per Puntoacapo editrice, el dà foeura Coeur Scorbatt - poesie lombarde de Bià, e con lu el vincc l'edizzon XL del premi de poesia "Giuseppe Tirinnanzi" de Legnan, cont ona giuria fada su de Franco Buffoni, Uberto Motta e Fabio Pusterla.[14]

Del 2024 el dà foeura la cattada de poesij erotegh Barlicch barlòcch, con prefazion del Pusterla.[15]

La soa litteradura l'è proppi influenzada del territori de la Bassa padana in tra el Tesin e 'l Pò, e 'l so stil despess el messeda l'italian, el lombard e anca vari gergh. Di soeu scritt hinn staa daa foeura in su rivist letterari tant 'me Il Segnale, Atelier, Versante Ripido, Nazione indiana.[16]

Oeuver

[Modifega | modifica 'l sorgent]
  • El Qoelet in dialett biegrassin, 2006.
  • Il diavolo custode, Padova, Meridiano Zero, 2007. 978-88-8237-142-5
  • Un cattivo maestro, Milano, Ugo Mursia Editore, 2010. 978-88-425-4230-8
  • Coelett, Magenta, La memoria del Mondo, 2011. 978-88-95898-59-9
  • Appunti per la grande carestia, Caravaggio, Divinafollia, 2011. 978-88-98486-52-6
  • Il morso del lupo, Firenze, goWare, 2015. 978-88-67973-61-3
  • Atti di devozione, Puntoacapo edizioni [gennaio 2017]. 9788898224562
  • Exit in Fiamme, Emersioni gruppo Lit, novembre 2019, ISBN 978-8831924542
  • Coeur scorbatt - cuore corvo - Poesie lombarde de Bià, Puntoacapo edizioni [novembre 2021]. 9788866793236
  • Barlicch barlòcch, Pavia, Manni, 2024. 978-88-3617-308-2

Riferiment

[Modifega | modifica 'l sorgent]
  1. ↑ Luigi Balocchi - NiedernGasse
  2. ↑ Ordine e Libertà - Dagli Anni 70 a oggi 180 e più collaboratori Arqiviad qé: [1] ol 5 marzo 2016
  3. ↑ BALOCCHI DIECI ANNI DOPO RIPORTA IN CLASSE IL DIALETTO TRASMESSO AI BAMBINI
  4. ↑ Luigi Balocchi - Mursia
  5. ↑ La Bella Poesia: Luigi Balocchi
  6. ↑ Abbiategrasso/elezioni: una campagna elettorale scialba.. scossa dal manifesto Identitario di Luis Balocchi (Lega)
  7. ↑ El Qoelet «Osteria-Locanda “Teatro del Sogno”
  8. ↑ Casa Editrice, Meridiano Zero Arqiviad qé: [2] ol 1º maggio 2008
  9. ↑ Il morso del lupo, casa editrice goWare
  10. ↑ Recensione de "Il morso del lupo"
  11. ↑ La distopia di Balocchi: Milano culla dei mali del mondo
  12. ↑ Luigi Balocchi: "Milano è la vetrina del mondo. Io l'ho spaccata"
  13. ↑ Exit in fiamme
  14. ↑ Annunciati finalisti e vincitori della XL edizione del Premio Tirinnanzi
  15. ↑ Barlicch barlòcch
  16. ↑ Francesca Matteoni. it-IT Coeur Scorbatt/Cuore Corvo. 2020-07-24. URL consultad in data 2020-09-24.
Utegnüü da "https://lmo.wikipedia.org/w/index.php?title=Luis_Balocch&oldid=1289620"