Luis Medegh

De Wikipedia
(Rimandad de Luigi Medici)
Lombard Quest articol chì l'è scrivud in lombard, con la Noeuva Ortografia Lombarda
El sur Medegh

El Luis Medegh (Luigi Medici in italian, Milan, 1888 - Trezz, 2 de avril 1965) a l'è stad un avocat e poeta italian, stimad autor in dialet milanes.

Biografia[Modifega | modifica 'l sorgent]

Fioeul del ragionat Vincenz e de la pianista Teresa Crespi, l'è stad compagn di studi del Delio Tessa e in del 1915 el se laurea in lesg a l'Università di Studi de Pavia, per poeu fà l'avocat per circa 30 agn.

L'ha tolt part a la prima guerra mondial 'me soldad sempliz, e 'na voeulta tornad l'ha studiad a Brera indova che in del 1920 el ciapa una laurea pussee in filosofia e l'è abilitad anca a insegnà, roba che 'l farà per 10 agn al Liceo Ginnasi Statal Lissander Manzon.

A l'éra propi ligad a la Martesana, indova che 'l pader el lavorava, e 'l farà San Martin definitivament a Trezz in del 1943 desgià che la soa cà de Milan l'è stada destrugada di bombe.

In del 1959 el vinc l'Ambrosin d'Or e in del 1965 el moeur.

Vita privada[Modifega | modifica 'l sorgent]

In del 1916 el se marida con la Felicita Maria d’Incisa di Camerana, e 'l restarà vedov in del 1959. In del 1963 el se marida con la Itala Ceresani, e 'l moeur du agn dopo.

Dopo la soa mort la miee la cura el so archivi personal, per poeu dàll in del 1982 a l'amis Piero Airaghi, che l'ann dopo el donarà a la Bibliotega Ambrosiana.

Carrera[Modifega | modifica 'l sorgent]

L'è stad member eminent de la pupart di sociazzion ligad al dialet milanes compagn del Circol Filologich Milanes e l'ha anca fondad l'Istitut Fassista de Coltura de Milan, ma a l'éra in polemica costanta cont el regim per el so tratament di lengov regionai e, quand che i fassista gh'hann ordenad de scriver domà in italian l'ha publegad una poesia clandestina che la s'è spantegada inscì tant che l'ha menad a la revoca de l'ordenanza.

Oeuvere[Modifega | modifica 'l sorgent]

El so stil poetich l'era decadentista e ispirad ai campagne lombarde 'me simbol de libertà.

Regolte di poesie[Modifega | modifica 'l sorgent]

  • Schiribizz (1914)
  • Rime ambrosiane (1931)
  • Vecchie osterie milanesi (1932)
  • Nuove poesie milanesi (1934)
  • Ona fiorida de moneghell (1939)
  • Tutti matti giù a Milano: l'ultima cavalcada de Bernabò (1955)
  • Incontri di anime da l'alba del XX secolo (1957)
  • Poesie (1963)

Sagg[Modifega | modifica 'l sorgent]

  • Letteratura milanese: dagli albori ai giorni nostri (1947)

Test teatrai[Modifega | modifica 'l sorgent]

  • El club de la cerva (1930)

Bibliografia[Modifega | modifica 'l sorgent]

  • Fondo Luigi Medici presso la Biblioteca Ambrosiana di Milano.