Luciano Lutring

Quest articol chì l'è scrivud in lombard, con la Noeuva Ortografia Lombarda

El Luciano Lutring (Milan, 30 de dicember 1937 - Verbania, 13 de masg 2013) a l'è stad un criminal, pitor e scritor italian.

Biografia[Modifega | modifica 'l sorgent]

Nassud in via Novara de 'na familia di barista, i so sgent voleven che 'l deventass un violinista, ma lu el se dedica subet a la bella vita e ai done.

La soa fama la se forma in del Milan di agn '60, indova che 'l ciapa la scormagna de "el solista del mitra", per el so us de sconder el fusil mitrajador in la valigia del violin, el fa pussee de cent rapine in tra l'Italia e la Franza, per un botin de circa 30 miliard de Lire.

Per la soa vita de luss, i so fras famose in dialet milanes e 'l so stil de lader gentilomen el deventa 'n poo un personagg de la coltura popolar, el cognoss la soa dona, la Elsa Candida Pasini, a Cesenatico, indova che ghe roba i robe, ma el se innamora e per cognossela mej el fa finta de havélle trovade.

El 1 de setember 1965 a l'è ciapad in Franza e 'l sconta 12 agn de galera, indova che 'l scomincia a scriver e a dissegnà, oltra a tegnì 'na corrispondenza con l'alora president de la Cambra Sandro Pertini.

Grazziad del Georges Pompidou, el va in galera in Italia e l'è grazziad poeu del Giovanni Leone in del 1977. In del midem ann el nass el so fioeul Mirko, che 'l moeur in del 1991 per un incident.

In del 1985 el se met insema a la Flora D'Amato, con la che la gh'ha do giumelle: Natasha e Katiusha, con la che la se separa in del 1997.

In di so darer agn el se concentra in su la pitura, e 'l ciapa 'n frach de premi e recognossiment.