Lorenz Banfi
El Lorenz Banfi (Lorenzo Banfi in italian) l'è on linguista, autor letterari, storich e politich insuber nassuu a Soree in Provincia de Milan el 9 de luj del 1963.
El s'è diplomaa in chimica industrial e l'è staa anca scultor oreves, e incoeu òst, rievocador stòrich e attivista politich e religios. Fin de fioeu l'ha studiaa religion e cultura di popolazion celto-germanich e di nativ american. A metà di ann '90 l'è staa in tra i fondador dell'associazion cultural Terra Insubra, vuna di primm realtà de studi e de promozion de la stòria e de la cultura insubra.
Espert de stòria e lengov insuber e esponent del paganesim euròpeo, in di ann '90 e 2000 l'è staa autor de tanti articol e relator in diversi convegn. Per on quai ann l'ha anca portaa i sò conoscenz al pubblich cont ona trasmission radiofònica che la se ciamava Ritorno al bosco (Tornà in del bosch) e l'andava in onda in sù Radio Padania Libera. L'ha pubblicaa la traduzion in milanes di carmi eddich Havamal e Voeuluspa (2000), de El princip piscinin (2001)[1], del Dracula del Bram Stoker (2010) e el romanz Il Bardo (2002)[2]
In del 2005 l'è staa vun di fondador de l'associazion Domà Nunch e president fin al 2013.
Referenz
[Modifega | modifica 'l sorgent]- ↑ http://edit.ticinonews.ch/articolo.aspx?id=100688&rubrica=38 ; http://orin.grouphone.com/fr/GEO/TraductionsActus.php Arqiviad qé: [1] ;
- ↑ http://www.unilibro.it/find_buy/Scheda/libreria/autore-banfi_lorenzo/sku-997694/il_bardo_.htm.