Looking Forward
|
Quest articol chì l'è scrivud in lombard, con la Noeuva Ortografia Lombarda |
Looking Forward a l’è un cortometragg senza vos del 1910 che sa nò con sigurezza el nom del sò regista[1][2], film perdud, a l'è ona comedia fantascentifega ambientada in d'ona socetà matriarcal del futur.[3]
Trama[Modifega | modifica 'l sorgent]
El protagonista de la vicenda - second i recension de quii temp là – a l’è ‘l Jack Goodwin, on scenziad giovin che ‘l perfeziona ona medesina bona de indù ona sorta de sonn cibernetich. Sotopost a l'esperiment, el Goodwin el dorma per 100 ann e quand che ‘l se desseda el ven in cognizzion che ‘l mond a l’è tut cambiad : i omen a inn ona minoranza e, privad de tucc i dirit politegh, subissen con rassegnazzion el domini di done tant in la vita in famija ‘me in quella publica. Del moment che la dona sindech la se inamora de lù , per roversà la situazzion l'unica l'è on matrimoni inscambi de la promessa de dàgh indree ai omen la soa libertà.(Fantafilm [3])
Produzzion[Modifega | modifica 'l sorgent]
El film l’è stad prodot de la Thanhouser Film Corporation.
Distribuzzion[Modifega | modifica 'l sorgent]
El film - on cortometragg in d’ona bobina - l'è stad distribuid in di Stat Unid de la Motion Picture Distributors and Sales Company che l'ha fad vegnì foeura in di teater el 20 de desember del 1910.