Lodris Vescont
|
Quest articol chì l'è scrivud in lombard, con la Noeuva Ortografia Lombarda |
El Lodris Vescont (Milan, 1280 circa - Milan, 5 de avril 1364) a l'è stad un condoter e capitani de ventura lombard, scior de Sibrion e Crenna.
Part de varie congiure contra la soa fameja midema, l'è regordad soratut per havé guidad la Compagnia de San Giorg e per vesser stad batud in la bataja de Parabiaa: dopo, a l'è stad tegnud presoner per des agn in del Castell de San Colomban, per poeu vesser liberad del Giovann Vescont, e infin el se met a servizzi di sciori legitim de Milan.
Marirad prima con la Costantina Malaspina, che gh'ha dad nissun fioeul, e poeu con la Vissenza Cavalcabò, el gh'ha havud tri fioeui: l'Ambroeus, soldad, el Gianot, governador de Lissandria, e l'Estoroeul, capostipit di Vescont de Crena.