Lluís Llach i Grande

De Wikipedia
Lumbard ucidental Quest articol chì l'è scrivuu in lombard, grafia milanesa.

El Lluís Llach i Grande (Verges, 7 de magg del 1948) l'è on cantautor catalan, vun di esponent pussee famos de la nova cançó catalana insemma al Joan Manuel Serrat, ma a differenza de Serrat el scriv domà in catalan. El scomincia in di Els setze jutges in del 1967 e i sò cant de resistenza antifassista, 'me l'Estaca, deventen famos in tutta la Spagna intrega, anca se scritt in catalan.

In tra el 2015 e 'l 2017 a l'è staa 'n deputaa al Parlament de Catalogna, elegiuu cont Insemma per el Sì.