Lissander Volta

De Wikipedia
Va a: navegá, truvá
Lumbard ucidental Quest articol chì l'è scrivuu in lombard, grafia milanesa.
El scior Volta quand che l'era vegg.

El Lissander Volta (italian: Alessandro Giuseppe Antonio Anastasio Volta; Comm, 18 de febrar del 1745 - Camnagh, 5 de marz del 1827) l'è staa on fisegh lombard.
A l'è cognossuu per avè inventaa el primm generator elettregh de la storia (la pila), e per la descoverta del metan.
L'ha studiaa a Comm, e lilinscì l'è vegnuu professor de fisega de la Scoeula Real in del 1774. La soa passion l'è semper stada el studi e l'elettricitaa: quand che l'era anmò on student, l'ha scrivuu on poema in latin in su 'sto fenomen noeuv.
In del 1775 l'ha mettuu in pee l'elettrofor, on arnes che 'l fa 'na carega elettrega statega. In del 1776-1777 l'ha studiaa la chimega di gas e, on dì che l'era a l'Isolin de Angera, l'ha descovert el metan. In del 1779 l'è deventaa professor de fisega a l'Università de Pavia, e l'è restaa lì per vintiduu agn.