Lissander Sforza

De Wikipedia
Lumbard ucidental Quest articol chì l'è scrivuu in lombard, grafia milanesa.
Stemma del Lissander Sforza

El Lissander Sforza (italian: Alessandro Sforza; Cotignola, 21 de ottober del 1409 - trii de april del 1473) l'è staa on condottier italian.
Fradell del pussee famos Francesch, duca de Milan, el Lissander l'è staa el fondador del brocch pesares de la fameja Sforza.

Biografia[Modifega | modifica 'l sorgent]

Compagn del Francesch, a l'era on fioeu del Muzio Attendolo Sforza nassuu foeura del matrimoni. La soa mader l'era la Lucia Terziani de Marsciano.
L'ha semper combattuu insemma al fradell in di sò guerr. In del 1445 gh'è staa consegnaa a lu la Signoria de Peser. Lu l'è devegnuu el scior del sit, e l'ha scominciaa a fà vegnì la città ona cort renassimental. A bon cunt, l'ha segutaa a dàggh ona man al fradell in di sò campagn, e l'è staa on sò leaa quand che l'è devegnuu el noeuv duca de Milan.

Matrimoni[Modifega | modifica 'l sorgent]

El s'è sposaa in del 1444 con la Costanza da Varano, e 'l gh'ha 'vuu duu fioeu:

La Costanza l'è morta in del dàggh la lus al segond fioeu. El s'è sposaa anca con la Sveva Feltria, ma gh'hann minga avuu di fioeu.
El Lissander el gh'ha avuu anca ona tosa foeura del matrimoni, la Ginevra Sforza.