Linea Tranviaria Rapida
La Linea Tranviaria Rapida a l'era on progett de metrotranvia parzialment sotta terra de integrà a la red di tram de Napoli, faa su parzialment e integraa poeu in la linia 6 de la metropolitana.
Storia[Modifega | modifica 'l sorgent]
.jpg)
La linia di tram de Napoli a l'era assee ridimensionada dopo de la guerra, e cont el terremot de l'Irpinia che l'ha danegiaa i infrastruttur a l'è stada insubida ona metrotranvia, parzialmente sotterrada e cont el rest in sed propria in del 1981.
Dal 1982 hinn staa in ball a fàlla, ma domà cont i finanziament per el Mondial del Folball del 1990 a l'è staa faa, parzialment, ma el progett a l'è staa poeu bandonaa e mittuu dent in la noeuva metropolitana lingera.
Caratteristich[Modifega | modifica 'l sorgent]
Per vess compatibil cont el tram normal la linia a l'è stada fada cont i regoll per i tram, ossia a scartament standard e alimentada a 750 V. L'era progettada cont 27 fermaa e 5 stazion, de che 10 in galleria.
Rotabil[Modifega | modifica 'l sorgent]
|
Per savenn pussee, varda l'articol Elettromotris MN L.6 001-006. |
Per la LTR eren staa ordinaa 12 elettromotris a la Firema, ispiraa a quej de la coeva metropolitana de Genoa.
Longh 23,6 meter eren progettaa cont la perteghetta e i scal per i sezion senza banchina, poeu cavaa via in del progett final. Articolaa, podeven vess cobbiaa finna a 3 unità.
I primm 6 a hinn staa calaa in del tunnel in del 1990, i alter ses eren restaa ai progettista in attesa di decision.
Bibliografia[Modifega | modifica 'l sorgent]
- Guido Mazzuolo, La linea tranviaria rapida a Napoli. Sintesi del progetto, in Ingegneria Ferroviaria, ottobre 1984, pp. 680–685.
- Marcello Cruciani e Roberto Zannotti, Mondiale un anno dopo - 2, in I Treni, n. 117, luglio 1991, p. 22.
- Riccardo Carugati, Tram rapido a Napoli, in "I Treni" n. 106, luglio 1990, pp. 31–33.