Licee Stendhal (Milan)

De Wikipedia
Lumbard ucidental Quest articol chì l'è scrivuu in lombard, grafia milanesa.
El licee in di agn '90

El Lycee Stendhal l'è on licee de Milan, in gestion diretta de la Agence pour l'enseignement français à l'étranger situaa in Via Laverno, arent a la stazion de la metropolitana de Segesta. El va da la scoeura materna al ciappà el baccalaureàt, ossia la maturitàa franzesa. L'è visitaa despess da di personalitàa franzes 'me l'ambassador, i deputaa e inscì via.

Storia[Modifega | modifica 'l sorgent]

La prima scoeula franzesa de Milan l'è stada verta dopo de la segonda guerra mondial de la Cambra de Commercc franzesa per i fioeu di espatriaa e la gh'eva ses alev: in del 1955 la se sposta in d'on apartament e pòden rivà a 45. In del 1959, con la visita del president franzes Charles De Gaulle per regordà i 100 agn de la Bataja de Magenta, el comun el decid de officializzà la scoeula franzesa e de dàgh el terren per fàlla su e l'è completada in del 1961, e i student deventen 163. In del 1963, grazia a la saradura de la vesina scoeula cattolega franzesa, la riva a pussee de 500 alev.

In di agn dopo a l'è slargada: in del 1970 a l'è fada 'na struttura per quej de la scoeula primaria, in del 1979 'na noeuva palestra e in del 1983 'n pian pussee. In del 1990 a l'è infina dedicada al Stendhal. In del 2000 el Consili Comunal l'approeuva de raddoppià el spazzi de la scoeula e l'è completament recostruida in del 2006. El 19 de magg 2018 l'ha celebraa i sò 70 agn.

Programma[Modifega | modifica 'l sorgent]

I student gh'hann de imprend l'italian e, se hinn brai, pòden ciappàss el diploma che 'l var sia 'me franzes che 'me italian. Hinn studiaa anca i lengov forest 'me el spagnoeu, l'ingles e 'l todesch e quej che scernissen 'n opzion umanistega studien anca el latin. La gh'ha 'n codes de disciplina.

Riferiment[Modifega | modifica 'l sorgent]

Ligamm de foeura[Modifega | modifica 'l sorgent]

Vos correlaa[Modifega | modifica 'l sorgent]