Licee Cantonal de Lugan
|
Quest articol chì l'è scrivud in lombard, con la Noeuva Ortografia Lombarda |
El Licee Cantonal de Lugan a l'è vun di Licee del Canton Tesin, el prim che l'è stad fad su in del Canton, sit in sui rive del Lagh, a la fin del Cassaraa.
Storia
[Modifega | modifica 'l sorgent]In del 1852 el Gran Consili el scerniss de secolarizà i istitut de istruzzion e donca el fa su el Licee Cantonal, a Lugan, e ses ginnasi per tut el Canton. Istitutid per volontà soratut del Steven Franscin e del Carla Catani, ghe dann subet 'n impronta assee tecnega e scentifega, tant de tacàgh una scoeula per camaster, che la deventarà poeu per ingegner tecnegh, perchè voleven fà sortì el Canton del so stat de arretrateza economega. I prim agn del licee inn stad gram, vist che la sgent la sutava a andà in di istitut catolegh, ma cont el temp el fa pussee de sucess. In del 1904 l'è spostad in d'un noeuv palazzi, progetad de l'August Guidin.
La filosofia
[Modifega | modifica 'l sorgent]Catani, Franscin e Lavizzari eren esponent del penser liberal e laicista e pontaven a reversà el monopoli ideologich che 'l gh'haveva la Gesa, a quell temp istrutora de la pupart di ticines, donca hann mitud l'insegnament de 'na filosofia empiristega e antimetafisega: l'evoluzzion del programa de filosofia l'è andad compagn de quell de l'evoluzzion de la politega del Canton: dopo del 1865 l'è andada dree a 'na vision kantiana e poeu a 'na vision storicista, tute con l'oposizzion di conservator.
Quand che, in del 1877, vann al poder, fann propi una "contrareforma" del licee, a meter su 'me diretor un prevet, e tachen a insegnà una vision del mond catolega e anti-modernista, roba che la va inanz fina a la revoluzzion liberal del 1890.
Diretor
[Modifega | modifica 'l sorgent]- Carla Catani (1852, domà nomnad, perchè el refudarà la carega)
- Giovanni Cantoni (1852-1855)
- Luigi Lavizzari (1855-1858)
- Giuseppe Fraschina (1858-1861)
- Pietro Peri (1861-1869)
- Antonio Gabrini (1869-1877)
- Giovanni Ferri (1877-1881)
- Natale Rusca (1881-1882)
- Agostino Soldati (1882-1883)
- Don Giovanni Manera (1883-1893)
- Ercole Andreazzi (1893-1903)
- Giovanni Ferri (1903-1914)
- Francesco Chiesa (1914-1943)
- Silvio Sganzini (1943-1963)
- Adriano Soldini (1963-1971)
- Renato Regli (1971-1974)
- Giovanni Zamboni (1974-1976)
- Fulvio Caccia (1976-1977)
- Fabio Soldini (1977-1980)
- Laura Donati (1980-1982)
- Fernando Lepori (1982-1984)
- Alberto Leggeri (1986-2016)
- Valeria Doratiotto Prinsi (dal 2016)
Ligam de foeura
[Modifega | modifica 'l sorgent]Bibliografia
[Modifega | modifica 'l sorgent]- Romano Amerio, Il Palazzo degli Studi di Lugano. 1904-1979, Lugano, 1979, OCLC 635851753.