Lenguagg negher

De Wikipedia
Lumbard ucidental Quest articol chì l'è scrivuu in lombard, grafia milanesa.
La scritta in su l'anell

El lenguagg negher l'è ona lengua inventada del scritor ingles John Ronald Reuel Tolkien, per vess doprada in di sò romanz fantasy (soratutt El Signor di Anei).

L'era ona lengua creada del Sauron, el Scior Negher, per fàghela doprà ai sò servidor e a tucc quei che combatteva per Mordor. Ma dopo la fin de la Segonda Età la lengua la s'è perduda, e i Orch hann scominciaa a parlàlla in vari dialett degradaa. La forma pura la s'è conservada domà in de la bocca de Sauron e di Nazgûl.

Forsi la derivazion del lenguagg negher la riva de ona quai forma imbestialida del vanyarin.

Esempi de lengua[Modifega | modifica 'l sorgent]

Ash nazg durbatulûk, ash nazg gimbatul,
ash nazg thrakatulûk, agh burzum-ishi krimpatul.

Traduzion:

On anell per pasentài, on anell per trovài, on anell per brancài e in del fosch incadenài.