Lapis copiativ

De Wikipedia
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.
On lapis copiativ

El lapis copiativ l'è on lapis cont ona mina de graffitt e cont on pigment dent. Per 'sta caratteristega la pò vess scancellada domà per abrasion e donca ghe riman di segn in sul foeuj. Proppi per quest l'era doperada per firmà i contratt e per votà primma de l'invenzion de la penna a sfera, e in d'on quaj paes, comé l'Italia e 'l San Marin, hinn anmò doperaa per votà.

In di elezion[Modifega | mudìfica 'l sorgènt]

A bon cunt el Stat pussee famos a doperàj l'è l'Italia, che la dopera di temp de la monarchia, quand che votà con la penna e 'l calamaj l'era problemategh. Dal 1948 l'è in del Test Unegh in sui Elezion l'obblegh de votà cot el lapis copativ, e se 'l se dopera 'n alter strument el vot l'è nullaa. Anca el San Marin el gh'ha i midemm regoll.

I sò sostenidor disen che l'è mej de la penna perchè la ris'cia minga de s'cepàss e, se i sched hinn sorapognuu, la lassa nissun segn in sui sched de sotta. Impunemanch la penna l'è doperada per el vot di italian in di stat forest.

On alter Stat a dà i lapis copativ l'è 'l Regn Unii, soratutt per evità che la gent la bordeghi i gabinn de vot, ma se pò doperà anca 'na penna portada de cà.

Riferiment[Modifega | mudìfica 'l sorgènt]